Како резултат од младинската размена „Моќ на дијалогот: Дијалог како моќен инструмент за развој и мобилност на младите“, организиран од ПВН Албанија, ИЦСИ Косово, АзБуки Србија, и Младинска организација Креатор од Македонија беше креирано едно интересно видео што може да го проследите на следниот линк https://www.facebook.com/PvnAlbania/videos/162835258934253
Младите од Албанија, Косово, Северна Македонија и Србија го споделуваат своето мислење и пораки за подобра иднина во регионот на Балканот. На оваа младинска размена, 8 ученици од Куманово земаа учество.
Младите веруваат дека нема ризик за соработка едни со други и сакаат да ги разбијат стереотипите, да се борат против предрасудите и да имаат подобра соработка меѓу нивните земји.
Младите сакаат да ги посетат соседните земји за да ги запознаат разликите и сличностите и исто така да остварат нови пријателства.
Проектот беше финансиски поддржан од страна на Регионалната канцеларија за соработка РИКО.
