Во период 02 – 10 август 2021, членови на КРЕАТОР зедоа учество на младинската размена „Рурални Млади во Акција“ која се одржа во Серпа, Португалија. Оваа младинска размена беше имплементирана од страна на нашиот долгогодишен партнер од Португалија, Experimentáculo Associação!
Покрај нашите претставници, на оваа размена учество зедоа и млади од Португалија, Хрватска, Естонија, Франција и Романија. За време на размената младите имаа можност да научат повеќе за руралниот развој и креирањето на свој мал бизнис во руралните средини. Работилници на тема како да креираш мал бизнис им овозможија на младите да добијат и разработат свои идеи за мали бизниси кои може да успеат во рурални средини. Па така креирани беа предлози за бизнис поврзан со производство на домашен мармалад, мал бизнис за рурален туризам, бизнис за плетени кукли исл.
Во исто време, младите имаа можност да научат едни за други и да се запознаат со различни култури, традиции, да научат да ги почитуваат различностите кои меќу нив постојат.
Во рамки на размената, младите ги подобрија своите комуникациски вештини, социјални вештини, вештини за претприемништво, интеркултурни вештини; научија да соработуваат во тим и да живеат во мултикултурна средина.
Нивниот финален продукт, разработен бизнис за мармалад од патлиџани, мармалад од грозје и јаболка, имаа можност да го претстават на локалните жители во Серпа . Проверете ја и нивната инстаграм страна за повеќе информации. https://www.instagram.com/dona_emilia_jam/
